cool girls


hi girls
 
الرئيسيةمنتدى بنات وبساليوميةمكتبة الصورس .و .جبحـثالأعضاءالمجموعاتالتسجيلدخول

.......................

.........

شاطر | 
 

 نصايح فترة الخطوووبة

اذهب الى الأسفل 
كاتب الموضوعرسالة
اميرة المنتدى
admin
admin
avatar

نقاط : 100762
السٌّمعَة : 0
تاريخ التسجيل : 25/02/2010
العمر : 20
الموقع : www.coolgirls.keuf.net

بطاقة الشخصية
حقل اللعب:

مُساهمةموضوع: نصايح فترة الخطوووبة   الأحد سبتمبر 19, 2010 6:05 am

أختي العزيزة لو ربنا فك عقدتكـ واتخطبتي
فإليك نصائحي حتى تأخذي بخطيبكـ من مركب الخطوبة إلى مثوااااه الأخير في قفص النسانيس
قصدي قفص الزوجية السعيد

أجمل ما في الخطوبة العزومات الرومانسية على أحلى محلات أكل فى البلد
واللي عمركـ ماهاتشويفها بعد الجواز
المهم نصائحي لكـي عند أي عزومة مع خطيبكـ

1- الشوكه والسكينة

الأول لازم تعرفي إن الشوكة والسكينة بيتمسكوا من إيديهم
من الطرف يعني مش من الوسط ولا من البوز زي الخنجر ولا من فوق طبعًا

2- العيش

العيش أوعي تفضحينا وتقطعيه بسنانكـ ولا الرغيف نصين بأيدكـ وكل نص لقمة وتحشري أوعي
العيش بيتقطع بالسكينة فى الطبق وبعدين تاخدي لقمة
لقمة بالعافية قال يعني نفسكـ مسدودة
اضغطي على أعصابكـ جدااا
وبعدين لما تروَّحي إبقي حِفِّي زي مانتِ عايزه

3- الشوووربة

بند الشوربة ده مهم جدًاااا
أبوس رجلكـ الشوربة تتشرب من غير صوت خالص ومن غير ماتقعدي تنفخي فيها زى القهوجى اللى بينفخ فى حجر للزبون
وطبعــاً عايزكـ تنسى تمامًا السلطانية اللي بتقيميها على بقك فـ البيت وتدلقي على روحكـ
بالمعلقه وبدون صوت
سخنة ولعة برضه بدون صوت
وتسيبي تلت الطبق ع الأقل مش تميليه عشان تلهطيها لآخر نقطة

4- الرز

طبعاً بيتاكل بالشوكة أوعي إيدكـ تتمد ع المعلقة وتغرفي من طبق الرز وتعبي
إوعي
الرز بالشوكة وكأنكـ بتبوسيه مش بتاكليه

5- المكرونة

الاسباكتي برضه بالشوكة تتلف على طرف الشوكة
لحد ما تخلص وبعدين تحطيها فى بؤك من سكات
مش تشفطي المكرونة عود عود

6- السمكـ

مشكلة..!!!!
شوفي
بتفصلي اللحم عن الشوكـ ..إزاي؟؟
تقطعي اللحم من النص بالطول وبعدين تفردي اللحم ع الجانبين ولما تخلصي ناحية
متقلبيش السمكة.. بلاش فلح
شيلي السلسلة بالشوكة والسكينة وحطيها ف جنب الطبق وكملي أكل النص التاني
وبدل الفيلم الهندي ده
نصيحة ماتكليش السمكـ خالص
قولي مابحبش السمكـ وخلصي نفسكـ

7- الجمبري

إذا كنتي عارفاه
أول ماطبق الجمبري ينزل.. بصيله بقرف واحتقار شديدين
آل يعني زهقانة من كتر أكل الجمبري الجامبو فـ بيت بابـا
وأتنهدي جامد وقولي.. برضه؟؟؟
وتروحي قاطعة راس الجمبرياية بالشوكة
وأنا فى عرضكـ ابقي إنسي المصمصة دلوقتى

8- البطاطس

سواء مسلوقة أو محمرة
أوعي تهرسيها وتدبيها على الرز وتدي
لا..لآ...لآ
بالشوكة حتة حتة وإنتى زي ما تكوني هاتعيطي من كتر ما البطاطس صعبانة عليكي

9- الفاكهة

لو الفاكهة فيها بذر.. طلعيه من بؤك بالراحة وحطيه فى إيدك وهي مقفولة
وبعدين فى طفاية السجاير اللي على الترابيزه
أوعي ياحبيبتي من نظام التفتفة للبذر
إنسي

10- لما تخلصي

ولما تخلصي أكل تحطي إيدكـ على بطنكـ
اللي عصافيرها بتصوصو من العينات اللي كلتيها.. وتقولي له مش ممكن
أنا عمري ما اتفجعت كدة
أنا أودامي أسبوعل هابطل أكل فيه
وبعدين تمسكي الفوطة اللي دايمًا موجودة على التربيزة من غير لازمة
وتبوسيها
آل يعني بتمسحي بؤكـ
وبعدين تستأذني منه لدخول التوليت لإصلاح ماكياجكـ
وتخشي التواليت وتطلعي من شنطة إيديكـ
لفة الفول والطعمية اللي جايباها معاكي
وبالهنا والشفـــاء

منقوووووووووووول

_________________
ان لم تستطع البكاء فاضحك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://coolgirls.keuf.net
 
نصايح فترة الخطوووبة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
cool girls :: الاقسام الرئيسية :: مواضيع عامة-
انتقل الى: